Socdaalka Madaxweynaha, ayaa yimid maalmo kaddib markii uu ka soo laabtay dalalka Burundi iyo Jabuuti
 |
Madaxweynaha Soomaaliya Maxamed Cabdilaahi Maxamed (Farmaajo) iyo wafdi uu hoggaaminayay, ayaa maanta ka dhoofay garoonka diyaaradaha Aadan Cadde ee Muqdisho.
Ujeedada wafdiga uu hogaaminayo Farmaajo ayaa ah sidii ay uga qayb geli lahaayeen shirka jaamacada Carabta iyo midawg Yurub oo ka qabsoomaya Masar.
Sidoo kale waxaa lafilayaa in uu madaxwaynuhu kulan laqaato madaxweynaha Masar C/abdifitaax Al Siisii oo haatan ah Gudoomiyaha Shir Gudoonka Ururka Midowga Afrika, iyagoo ka wada hadli doona arrimo ay kamid yihiin xiisada Soomaaliya kala dhexeysa dalka Kenya.
Socdaalka Madaxweynaha, ayaa yimid maalmo kaddib markii uu ka soo laabtay dalalka Burundi iyo Jabuuti oo
uu la soo kulmay madaxdooda.
Maanta oo kale labo sano ka hor, Madaxweyne Farmaajo ayaa galay safarkiisa u horeeyay ee dibadda ah oo ku aado dalka Boqortooyada Sucuudi Carabiya, kaddib doorashadiisa.
