Fadhigii Baarlamaanka Britainย ee khamiistii shalay ayaa lagu soo qaaday Jamhuuriyadda Somaliland, waxaanaย Wasiirka Kaalmada dibadda u qaabilsan Britain,ย Penny Mordaunt, wax laga weydiiyey sababtaย Ingiriisku u taageeri waayey Somaliland ooย ย saaxiibtinimo soojireen ahi ka dhexayso.Siday baahisayย wakaallada wararka Somaliland ee SOLNA, Xildhibaanย Bob Stewart oo ah Mudane laga soo doortoย degmadaย Beckenham oo ku taallaย koonfur bari ee magaalada London, kana tirsan xisbiga Conservative Party,-ga, ayaaย sheegay inuuย Somaliland indhihiisa ku soo arkay oo ay ahaan jirtay maxmiyadii Ingiriiska oo la odhan jiray โBritish Somalilandโ, waxaanu weydiiyey wasiirka kaalmada dibadda Britainย Mrs. Penny Mordaunt, waxay u caawin waayeen Somaliland
oo uu caddeeyey inay tahayย ย saaxiib weyn oo mar walba garab taagan Ingiriiska.
Wasiirka Kaalmada dibadda ee Britain, Penny Mordaunt, ayaa sheegtay inay xildhibaanka uga mahadcelinayso su’aasha uu weydiiyey ee ku wajahan Somaliland,ย waxaanay shaacisay inay Somaliland ka caawiyaanย dhinacyada kaabeyaasha dhaqaalaha, gargaarka biniโaadanimoย isla markaana wax kala qabtaanย dhinaca ammaanka iyo la dagaalanka argagixisada.
Wasiirka mucaawimada dibadda UK, waxa kaloo ayย intaas ku dartayย inay dawladda Ingiriiskuย taageerto Guddida doorashooyinka Somaliland si ay u hirgeliyaan hawlaha doorashooyinka.
Xildhibaan Bob Stewart oo ah mudane waayo arag ah, waxa uu ka mid yahay xildhibaannada Ingiriiska ee taageera ee sida dhow ula socda qaddiyadda madax-bannaanida Somaliland, waxaanu golaha Baarlamaanka UK ku jiray tan iyo 2010kii. Waxaanu hore uga tirsanaan jiray ciidammada millatariga Ingiriiska, waxaanu ka gaadhay derajadaย ย Kornayl.
Dawladda Ingiriisku waxay maalgelisay kor-joogtadii caalamiga ahayd ee ka qaybgalay doorashadii madaxtooyada ee Somaliland ka qabsoontay Bishii November ee sannadkii hore, waxaanay warbixintii kama dambaysta ahayd ee goobjoogeyaashii caalamka ka socdayย ka marag kaceen in si dimuqraadi ah oo xorย ah ay u dhacday doorashadaasi.
