Hargeysa(BGN):-Madaxweynaha somaliland Axmed Maxamed Maxamuud Siilaanyo ayaa ku dhawaaqay wakhtiga rasmiga ah ee dalka looga dareeri doono doorashooyinka madaxtooyada iyo golaha wakiilada somaliland.
Warsaxaafadeed goor dhaw ka soo baxay madaxtooyada somaliland ayaa lagu cadeeyey wakhtiga madaxweynuhu u qorsheeyey inay dalka ka dhacaan doorashooyinku, waxaanu warsaxaafadeedkaasi u dhignaa sidan
Madaxweynaha Jamhuuriyada Somaliland, Mudane. Axmed Maxamed Silaanyo waxa uu
digreeto madaxweyne oo summadeedu JSL/M/XERM/249-3569/092015 ku cadeeyey wakhtiga rasmiga ah ee dalka looga dareeridoono Doorashada Madaxtooyada iyo Wakiilada.
madaxweynuhu:-
Markuu Arkay:                      Qodobka 90aad ee Dastuurka Jamhuuriyadda Somaliland;
Markuu Arkay:Â Â Â Â Â Â Â Â Â Â Â Â Â Â Â Â Â Â Â Â Â Â Â Qodobada 42aad iyo 83aad ee Dastuurka Jamhuuriyadda Somaliland;
Markuu Helay:Â Â Â Â Â Â Â Â Â Â Â Â Â Â Â Â Â Â Â Â Â Â Â Â Qoraalka Guddida Doorashooyinka Qaranka ee summadiisu tahay GDQ/XK/444/2015 ee ku taariikhaysan 08/09/2015, ujeeddadiisuna tahay Cayimaadda Wakhtiga Doorashada Madaxtooyada iyo Golaha
Wakiillada Jamhuuriyadda Somaliland ee 28/03/2017;Markuu Arkay:                       Go’aanka Golaha Guurtida JSL ee lambarkiisu yahay GG/JSL/Go’aan Lambar 04/05/2015, kuna taariikhaysan 11/04/2015, ahna Go’aanka Muddo Kordhinta Xilka Madaxweynaha, Madaxweyne Ku-Xigeenka iyo Goleyaasha Baarlamaanka (Wakiillada iyo Guurtida);
Markuu Arkay:Â Â Â Â Â Â Â Â Â Â Â Â Â Â Â Â Â Â Â Â Â Â Â Faqradda 3aad ee Qaraarka Fasiraadda ah ee Maxkamadda Dastuuriga Jamhuuriyadda Somaliland ee ay summadiisu tahay MS/DD/02/2015 kuna taariikhaysan 18/08/2015;
Markuu Ku Qancay:              In baahi loo qabo isla markaana ay lagama maarmaan u tahay hannanka dimuqraadiyadda iyo Doorashooyinka in la cayimo xilliga Doorashooyinka Madaxtooyada iyo Golaha Wakiillada Jamhuuriyadda Somaliland;
Wuxuu Soo Saaray;
Xeerkan oo lagu go’aamiyey in taariikhdu markay tahay 28/03/2017 ay noqoto maalin doorasho oo ay qabsoonto Doorashada Madaxweynaha, Madaxweyne Ku-xigeenka iyo Golaha Wakiillada Jamhuuriyadda Somaliland.
ALLAA MAHAD LEH
  Axmed Saleebaan Dhuxul
Afhayeenka Madaxtooyada JSL
