Golaha wasiirada ee dawlada federaalka ah ee dalka Itoobiay ayaa dib u eegis lagu samaynayaa.
Fadhigii ugu dambeeyey ee ay yeesheen golaha wasiirada ee Itoobiya ayaa lagu ansixiyey xeer sahlaya in dib u eegis lagu sameeyo qaab dhismeedka golaha wasiirada kaas oo loo gudbiyey baarlamaanka.
Madaxa xafiiska raysal wasaaraha Itoobiya Fitsum Arega ayaa qoraal uu ku baahiyey bartiisa Twitter-ka waxa uu ku sheegay in golaha wasiirada ee dalka Itoobiya oo tiradoodu ahayd 28 hada uu xeerkan cusubi ku soo koobayo 20 wasiir oo lagu soo xulayo mudnaanta ay u leeyihiin dalka.
Dhinaca kale raysal wasaaraha dalka Itoobiya Abiy Ahmed ayaa wali
ku hawlan dib u habaynta balaadhan ee uu ku waddo siyaasada dalkiisa, isaga oo wajahaya caqabado kaga imanaya dadka ka soo horjeeda talaabooyinkiisa.
