Berbera(Biyo Guure News)Wasiirka madaxtooyada somaliland Xirsi Cali Xaaji Xasan ayaa markii ugu horaysay ka hadlay warqad lagu eedanayey inuu u qoray dawlada somaliya taas oo la xidhiidha maalgashiga dekeda Berbera.
Wasiirka madaxtooyada somaliland oo warbaahinta kula hadlay magaalada Berbera oo ay haatan ku sugan yihiin waftigii madaxweynaha somaliland ee ku sugnaa gobolada bariga ayaa waxa uu sheegay inaanay warqadaasi waxba ka jirin isla markaana ay tahay mid foojari ah
Ugu horayn wasir Xirsi Cali Xaaji Xasan oo arimahaas ka hadlayaana waxa uu yidhi “Waxaan leeyahay waa war been ah iyo waraaq foojari ah, dekedii berbera waatan oo waanu ka shaqaynaynaa waanan horu marinaynaa cid aanu u daba fadhiisanaynaana ma jirto, cidna ka baryi mayno waana dalkayagii oo waanu dhisaynaa oo waanu
horu marinaynaa cid kasta oo wax nagaga xidhmaana waanu hor fadhiisanaynaa.”Sidoo kale wasiirka madaxtooyada somaliland oo hadalkiisa sii wata ayaa sheegay inay fiicnay in dawlada Xamar loo yeelo qiimo iyada oo la dhaawacayo qaranimada somaliland waxaanu mar kale yidhi isaga oo arimahaas ka hadlaya “Somaliya waxa iskugu kaaya danbaysay Stanbul iyo maalintii cadayd ee aanu kala tagnay markaa cida ku war wareegaysa waraaqahaas foojariga ah waxaan leeyahay qaranimada wax haw dhimina, mucaarid iyo muxaafidna waa wax xun in Xamarna qiimo loo yeelo oo laga dhigo in loo tartamayo qaranka somaliland-na la dhaawaco iyada oo lays leeyahay qof weerara, waxaan leeyahay waa dhaawac qaranka loo gaysanayo waana foojari ee yaan loo noqon.” Ayuu hadalkiisa ku soo koobay wasiirka madaxtooyada somaliland.
– See more at: http://hadhwanaag.ca/detail.aspx?id=161158#sthash.ITLCFAqn.dpuf
