WASHINGTON โ Madaxweynaha Mareykanka Donald Trump ayaa Isniinti shalay sheegay, in haddii aanan la soo deynin la heytaystayaasha Israโil ee lagu hayo Gaza duhurnimada Sabtida soo socota, uu soo jeedinayo in la baabiโiyo heshiiska xabbad-joojinta ee Israโil iyo Xamaas.
Trump wuxuu sheegay in haddii ay taasi la yeeli waayo, ay dhici doonto cadaab daran, isaga oo intaasi raaciyay in goโaanka ugu danbeeya ay leedahay Israโil.
โHaddii aysan halkaan joohin, dhammaan cadaabta ayaa la fasixi doonaa.โ Mar la weydiiyay in in Mareykanka uu ka qeybgali doono si loogu jawaabo Xamaas, haddii aysan soo deyn la heystayaasha, ayuu Trump yiri โXamaas way ogaan doontaa waxa aan ula jeedo.โ
Hadalka adag ee kasoo baxay Trump ayaa yimid saacado kaddib marki ay Xamaas shaacisay shalay, in ay dib u dhigeyso sii deynta la heystayaasha gacantooda ku haray.
Xamaas ayaa ku eedeysay Israโil in ay jebisay heshiiska xabbad-joojinta ee saddexda todobaad jira, gaar ahaan in ay Falastiinyiinta u diidday dib ugu laabashada qeybo ka mid ah waqooyiga Gaza iyo in ay toogasho iyo duqeymo u geysatay Falastiiniyiinta Gaza.
Ma jiro wax war ah oo arrintan ku saabsan oo wali kasoo baxay Xamaas.
Madal