War ka soo kordhay weerarkii Safaaradda Itoobiy iyo safaarado kale oo la weeraray

Wararka laga helayo dalka Suudaan ayaa sheegaya in dowladda Itoobiya ay waddo dedaallo ay dalkaasi uga saareyso shaqaalaheeda ka howlgala safaaradeeda weerarka lagu qaaday.

Diblumaasi la hadlay BBC-da ayaa sheegay in shaqaale ka tirsan safaaradda Itoobiya lagu dhaawacay weerar todobaadyo ka hor lagu qaaday safaaradda, isla markaana shaqaalahaasi loo geystay tacaddiyo kale.

Dublamaasigu wuxuu sheegay in marka laga soo tago safaaradda Itoobiya, sidoo kale la weeraray safaaradaha Imaaraadka Carabta, Ruushka iyo Koonfur Afrika.

Dagaalka lixda bilood ka socda dalka Suudaan ayaa sababay in dalal kala duwan ay albaabada isugu dhuftaan safaaradahoodii, kalana baxaan shaqaalahoodii magaalada Khartuum, waxaana sidoo kale hay’adaha caalamiga ah ay shaqaalahooda kala baxeen magaalada.