Gabiley Alle ha u naxariistee waxaa Shil Baabuur ku geeriyooday laba ruux halka ay ku dhaawacmeen laba kale duleedka bari ee magaalada Gabiley.
Ciidanka Dab-demiska Gabiley ayaa si degdega ah uga Hawlgalay waxaanay Gaadhiga ka soo saareen Maydkii iyo dhaawacii, iyadoo ciidanku gaadhsiiyay cisbitaalka magaalada Gabiley.
Labada ruux ee dhintay ayaa ahaa ajaanib u dhalatay waddanka Yemen, halka labada kale ee dhaawaca ahna ay ahaayeen Suuriyaan, iyadoo mid ka mida xaaladiisu culustahay.
Sababta dhalisay shilkan waxaa baadhis ku wada ciidamada Booliska gaar ahaan ciidanka Taraafikada.
Ugu dambayn dhaawacyada ayaa loola soo cararay dhanka magaalada Hargeysa, iyadoo hadda halkaas lagu dabiibayo.
Ciidamada Dab-demisku wuxuu halkan fariin uga dirayaa wadayaasha gaadiidku inay markasta muujiyaan taxadar.
