WASHINGTON —
Saacado keliya ayaa inaga xiga maalinta berri ah, oo ay dhacayso doorashada madaxtinnimada Maraykanka, tan xubnaha Aqalka Senate-ka ee sare iyo Aqalka Hoose ee mudanayaasha.
Labada musharrax ee Madaxweyne Donald Trump iyo Joe Biden ayaa si aad ah isugu dhow, waxaana adag in la saadaaliyo cidda guulaysanaya. Dadka Soomaalida ah ee haysta dhalashada Maraykanka waxay si weyn uga qeybgalayaan doorashadan. Qaarkood way sii codeeyeen, halka kuwo kalena ay maalinta berri ah codadkooda ka dhiiban doonaa gobolka Minnesota iyo gobollada kale ee ay ku nool yihiin.
Gobolka Minnesota waxaa ku nool Soomaali xisbiga Jamhuuriga taageersan oo u codeynaya madaxweyne Donald Truymp. Haddaba waa kuwee Soomaalidan, maxayna ku doorteen Donald Trump?
