Kemi Badenoch, ayaa loo doortay inay noqoto hoggaamiyaha xisbiga muxaafidka ee UK, mid ka mida xisbiyada ugu waaweyn UK iyo Yurub.
Haweenaydan asal ahaan ka soo jeeda galbeedka Afrika ayaa ka guulaysatay Robert Jenrick, oo 42 sano jir oo u janjeera siyaasadda Midigta ee xisbiga muxaafidka.
Waa 44 sano jir, waxayna noqonaysaa haweenayadii ugu horreysay ee madow ee hoggaamisa xisbigaas.
Khudbadda guusha, Badenoch waxay ballan qaaday inay “cusboonaysiin doonto howlaha xisbiga.”
Kemi Badenoch, ayaa balan qaaday inay dib u kasban doonto codbixiyeyaashii ka tagay xisbiga Konserfatifka ka dib markii ay guul taariikhi ah ka soo hoyisay tartankii hogaanka xisbiga.
Waxay noqonaysa qofkii lixaad ee muddo sagaal sano ah gudaheed qabanaysa hoggaanka xisbiga, waxay hoggaamin doontaa xisbi dhutinaya oo mucaarad ah iyadoo laga doonayo inay wajahdo xisbiga shaqaalaha oo uu hoggaamiyo Raysal wasaare Keir Starmer oo doorashadii dhacday guul weyn ka gaaray.
Xildhibaanada jaalkeeda ah ayaa sheegay in loo baahan yahay in xisbigu uu “soo celiyaan” codbixiyeyaashii ka tagay.
Badenoch, waxay dejin doontaa siyaasaddo faahfaahsan inta lagu guda jiro ololaheeda, iyada oo diiradda saaraysa halkii ay ku soo celin lahayd Konserfatifka “mabaadi’da koowaad”.
Indhaha oo dhami waxay hadda u jeesan doonaan cidda ay u magacawdo kooxdeeda ugu sarreysa iyada oo dejinaysa qaabka mustaqbalka ee xisbiga maalmaha soo socda.
BBC-da ayaa fahansan, in Badenoch ay qorshaynayso in ay shaaca ka qaaddo golaheeda la xisaabtama golaha xukuumadda maalinka Arbacada, ka hor codaynta miisaaniyada xasaasiga ah iyo iska ka hortagii ugu horeeyay Keir starmer ee Su’aalaha Ra’iisal Wasaaraha.
Waxay amaantay Jenrick inkasta oo uu mararka qaar xiligii olalaha hadalo qodoxa ay isku adeegsadeen, waxayna si maldahan u sheegtay in laga yaabo in loo soo bandhigo shaqo sare, iyadoo u sheegtay “Waxaad door muhiim ah ku leedahay xisbigayaga sanadaha soo socda”.
Olukemi Olufunto Badenoch, waxay ku dhalatay cusbitaalka Wimbledon bishii Janaayo 1980, iyadoo yar ayey waalidkeed u guureen dalka ay asal ahaan ka soo jeedo ee Nigeria.
Waa mid ka mida saddex carruur ah oo ay dhaleen waalidiinta Nigerian ah. Aabaheed, Femi Adegoke, wuxuu ahaa dhatqar, hooyadeed, Feyi Adegoke, waxay ahayd borofisar ku takhasusay physiology.
Waxay caruurnimadeedii ku noolayd Lagos, Nigeria,waxay ku laabatay UK ka dib xaaladda siyaasadeed iyo dhaqaale ee sii xumaanaysay ee Nigeria taas oo qoyskeda saamaysay.
In kasta oo ay haysato dhalasho Ingiriis ah kuna dhalatay Boqortooyada Midowday, intii ay khudbadeeda baarlamaanka ku jirtay Badenoch, waxay sheegtay in ay ahayd “dhammaan ujeeddooyin soo galooti jiilkii koowaad”
Badenoch, waxay heerka A ka gaartay Machadka Phoenix, markii dambana waxay cilmiga Injinernimada ee Nidaamka Kombiyuutarka ka baratay Jaamacadda Sussex, waxay kale oo shahaaddda labaad isla Injineernimada qaadatay sanadkii 2003-dii.
Sanadihii 2003 ilaa 2006-dii waxay ka shaqaysay qyabta ITga gaaran Software ee shirkada CGI Group, iyadoo halkaas ka shaqaynaysa ayay bilowday inay barato sharciga iyadoo ka qalin jabisay qaanuunka machadka Birkbeckh ee jaamacada London.
Aqoonta sharciga iyo Injineernimada ITga eyey sanado badan ku soo shaqaysay Badenoch.
Safarkeedii siyaasadda
Badenoch, waxay ku biirtay xisbiga muxaafidka sanadkii 2005-tii iyadoo 25 sano jir ah, doorashadii guud ee 2010, waxay u tartamaysay deegaanka Dulwich iyo West Norwood.
Sannadkii 2012, Badenoch waxay u istaagtay xisbiga Konserfatifka doorashadii Golaha London, halkaas oo ay gashay kaalinta shanaad ee liiska London oo dhan balse lama dooran.
Saddex sano ka dib doorashadii guud ee 2015 ayey ku guulaysatay kursiga golaha London, waxayna sii haystay xubintaas ilaa ay ugu dalacday aqalka baarlamaanka snadkii 2017-kii.
Waxay ku jirtay dadkii aadka u taageersanaa ka bixitaankii UK ee Midowga Yurub ee Brexit aftidii dhacday sanadki 2016-kii.
Isla bishaas, Badenoch ayaa loo doortay inay ka mid noqdo guddiga fulinta. Bishii Sebtembar, waxaa loo magacaabay guddiga doorashada baarlamaanka, iyadoo sidoo kale loo magacaabay Guddoomiye Ku-xigeenka Xisbiga Konserfatifka ee Murashixiinta January 2018.
Laga bilaabo sanadkii 2019-kii waxay xilal wasiirnimo ka soo qabatay dowladdii Boris Johnson, iyadoo soo noqotay Ku-xigeenka Xoghayaha Dawladda ee Carruurta iyo Qoysaska, Xoghayaha Khasnajiga ee Wasaaradda Maaliyadda iyo Ku-xigeenka Xoghayaha Dawladda ee Baarlamaanka.
Sanadkii 2021-kii, Badenoch waxaa loo dalacsiiyay Wasiiru Dawlaha Sinaanta waxaana loo magacaabay Wasiiru Dawlaha Guriyeynta,
Bishii Jully sanadkii 2022-kii ayey iska casilay xukuumadda, ka dib fadeexadii Raysal wasaare Johnson.
Xukuumadii Liz Truss ee timi bishii Sebtembar 2022, Badenoch wxaa loo magacaabay xoghayhaa ganacsiga caalamigaa.
Bishii Febraayo 2023 isku shaandhayn Golaha, Badenoch waxaa loo magacaabay Xoghayihii ugu horreeyay ee Arrimaha Dibadda ee Waaxda Ganacsiga iyo Ganacsiga .
Hadalkeeda aqbalaadda xilka hoggaamiyaha xisbiga, Badenoch waxay wacad ku martay inay “cusboonaysiin doonto” xisbiga Konserfatifka, iyada oo qeexday inay aaminsan tahay in Conservative-ku uu leeyahay laba mas’uuliyadood: “in la xisaabtamo xukuumaddan shaqada” iyo “inay u diyaargarowdo muddada dhowrka sano ee soo socda dawladda.
