waayo hore waxa jiri jiray dad caydh ahaa.waagaas ma jirin magaalo iyo meel kale oo uu shaqo qofku ka raadsado aan ahayn inuu geel qofkale leeyahay raaco si uu ugu noolaado caanihiisa mushqaayadna waxa u ahayd sanadkii in hal neef oo geel ah la siiyo.
Nin ka mid ahaa dadkaasi waayuhu ku qasbeen inuu geel ka xidhaale qaato aya nin ay isku fiicnayeen u soo bandhigay inuu geelan iskaga tago mid kalena raaco.
Geel ka tag midkalena raac waxad kordhisay hashaas magaceed ayuu ugu warceliyay. waxay noqotay murti ilaa imika la adeegsado marka laba waxyaabood oo isku mid ah qofka la dooransiiyo.Maanta waxa taas la mid ah sheekadana aynu u soo qaadanay wax xisbiyo loola baxay hase yeeshee aan
ka duwanayn geelashaas ay rag foofsadeen. Waxaynu marag kanahay subax noolba inay dad ka baxaan xisbiyo ku sheegyada iyagoo ku sababaynaya inay uga baxeen reer kaliya oo dadkii kale ka yeeshay.Run ahaan wax way ka jiraan arinkaas waayo xisbigan qof ayaa iska leh oo maalkiisa gashaday. Dhaqankeena dhigaya waxad leedahay in tolkaana kula leeyahay waa muran ma doon,dhaqankeenu ma ogola in wax la wada yeesho qaran ahaan.
qaranimo dhaqankeena kuma jirto, bal u fiirso siday u dayacanyihiin dhakhtaradeenu iskuuladeenu wadooyinkeenu, gaajada iyo darxumada askarteena ka muuqata waxaas oo dhan waxa u sabab ah qaab u fikirkeena iyo dhaqankeena oon ogolayn ilaalinta iyo daryeelka danaha guud ee ummadu wadaagto.
Qofka Slander ahi wuxu ilaaliya oo u soo jeeda wixii uu leeyahay waxau soo raaca wixii reerkooda ku magacaaban haday wasaarad tahay haday bakhaar tahay haday xisbi tahay. Waxa loo baahanyahay in qofka Slander ahi hantiga uu gaarka u leeyahay iyo hantiga ummadu wada leedahay u lexejecleeyo si isku mid ah waayo caafimad kama maarantid waxbarasho kama maarantid wado aad marto kama maarantid, kaligaa waxaas oo dhan ma samayn kartid hadii aan dadwaynhu u midoobin maal iyo maskaxba.
Nuxurka meesha ku jiraa waxa weeye sadex arimood kaliya aya la gudboon qofka inuu ka shaqeeyo,,1- ilaahiisa uu caabudo diintiisa ku dhaqmo
2- qayskiisa caruurtiisa iyo ehelkiisa
3- qarankiisa. waa waajib ku saaran inaad gudato wixii kaala gudboon qarankaaga, waxa ugu yar ee aad ku biirin kartaa waa jidka umadu marto aad ka qaadid qodax ama dhagax xashiish wixii umada maraysa dhib ku ah.
Hadii aynu sidaas dhaqan ka dhigano waa hubaal inaynu ka bixi doono tiiha iyo gaajada cudurka bi idmilaah
*********************************************************************
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga
