Saddex muwaadini oo u dhashay dalka Shiinaha ayaa lagu qabtay dahab ah iyo lacag caddaan ah oo gaaraysa 650,000 oo doolar, bariga Jamhuuriyadda Dimuqraadiga ee Kongo, sida ay sheegayaan mas’uuliyiinta dalkaas.
Dahabka iyo lacagta ayaa lagu qariyay qaybta hoose ee kuraasta gaari ay ku safreyayeen, sida uu sheegay Jean Jacques Purusi, guddoomiyaha gobolka Kivu ee Koonfurta ku yaalla.
Wuxuu sheegay in howlgalkii lagu soo qabtay raggaas uu qarsoodi ahaa kadib sii-deyntii dhawaan ee koox kale oo muwaadiniin Shiinaha ah oo lagu eedeeyay inay ku mashuulsanaayeen macdan madow oo sharci darro ah oo isla aagga raggaan lagu qabtay.
