Raโiisul wasaaraha Itoobiya Abiy Axmed oo ka jawaabayey suโaal ay weydiiyeen mudaneyaasha aqalka wakiillada ayaa sheegay in uusan dib uga laaban doonin mowqifkiisa ku saabsan dekedda.
โMa jirto cid xoog ku qabsan karta Itoobiya maanta. Waxaan leenahay awood nagu filan oo aan weerar celin ku samayn karno. Waxaan billownay in aan soo saarno wixii aan soo iibsan jirnay marka aan iibsi tegaynoโ ayuu yiri.
320-ka xubnood ee ka qayb galay fadhigii 3aad ee maanta ayaa 15 ka mid ah waxay fursad u heleen inay raโiisul wasaaraha u gudbiyaan suโaalo, waxayna badankood ka soo jeedeen xisbiga talada haya ee Barwaaqo.
Raโiisul wasaaraha ayaa hadalkaas jeediyey maanta markii ay suโaalo weydiiyeen mudaneyaashaas, isagoo ujeedada hadalkana uga gol-lahaa in Itoobiya hub iyo ciidan ku filan ay haysato.Abiy wuxuu fadhiga ka sheegay in siyaasadda diblomaasiyadeed ee Itoobiya ay ku salaysan tahay โnabad iyo iskaashi ay la yeelato dalalka oo dhanโ. Wuxuu intaa ku daray in aragtida ah โItoobiya waa sabool , mana gaari karto hamigeedaโ in taasi loo baahan yahay in la saxo.
โItoobiya way baraaraysaa kaalin weyn ayeyna ka cayaaraysaa sidii loo xallin lahaa – dhibaatooyinkeeda oo kaliya maahee โ dhibaatooyinka ka taagan qaaraddaโ ayuu yiri.
Wuxuu intaa ku daray in xiriirka ka dhaxeeya Itoobiya iyo Soomaaliya uu mad-madow soo kala dhex galay, ka dib heshiiskii ay marin badeedka ku helaysay ee ay la yeelatay Somaliland.
Ficil ahaan, wuxuu sheegay in Itoobiya ay Somaliland la saxiixday heshiis ay deked ku isticmaalayso muddo 50 sano ah.
โKumanaan qof ayaa ugu dhintay Soomaaliya nabad naga wada dhaxaysa darteed. Waxaan siinnay wakhti lagu xasiliyo gobolka Soomaalida, danaha dalkana mudnaanta hore lagu siiyo, miyirkana lagu soo celiyoโ ayuu yiri.
โHaddii ay jirto cid ku fekeraysa in aan isku xishoonno oo aan arrintan qarinno, wey khaldan yihiinโ ayuu yiri.
Isagoo si adag u hadlaya ayuu Abiy Axmed intaa ku sii daray โka dib heshiiskii Somaliland, waxaa soo baxay warar sheegaya in Itoobiya ay doonayso inay qaadato dhul soomaaliyeed. Laakisne waxaan saxiixnay heshiis 50 sano ah. Sidee u dhici kartaa in heshiis 50 sano ah loo adeegsado in dhul lagu qaato
Soomaaliya dhibaato nagalama dhaxayso. Hadafkeena waa in aan balaarinno dhaqaalaheenna maadaama ay dadkeennu sii badanayaan. Baaxadeenna marka la eego, qof walba way saamaynaysaa haddii aan dhibaato wajahno.
Marka aan u nimaadno arrinka ah marin in aan u helno badda cas, Itoobiya waxay leedahay dan qaran oo adag, waxaanan ugu celinayaa dunida in Itoobiya ay u baahan tahay marin badda cas ah oo si nabdoon ku hesho. Ma qarinayno danteenna marka arrintan laga hadlayoโ.
Raโiisul wasaaraha Itoobiya Abiy Axmed wuxuu u sheegay xubnaha golaha wakiillada ee dalkiisa in Itoobiya aysan dagaal doonayn.
โWaxaa jira dad welwel ka qaba in ay dhici karto in dalal ay ku soo duulaan Itoobiya. Ma jirto cid Itoobiya xoog ugu soo duuli karta. Waxaan leenahay ciidan difaac oo nagu filanโ ayuu yiri. โWaan ceebayn doonnaa ciddii timaada, laakin cidna taaban maynoโ ayuu sii raaciyey.
Hadalka Abiy ayaa ku soo aadaya ayadoo Soomaaliya ay ceyrisay diblomaasi Itoobiya u joogay Muqdisho, talaabadaasoo ah tii ugu horreysay ee nooceeda ah tan iyo markii uu xumaaday xiriirka labada dal.
