Jamhuuriyada Somaliland ayaa ku eedaysay Madaxwaynaha Dawlada Xamar in uu Been iyo dacayado Raqiisa uu usheegay beesha caalamka, somaliland waa dal xor ah oo marnaba kamid ahayn maamulka Xamar

Hargeysa — 

Xafiiska ergayga gaarka ah ee Somaliland ayaa ku eedeeyey dawladda Soomaaliya inay fasiraad khalad ah ka bixisay is-afgaradka ay Somaliland la gashay Itoobiya.

War-saxaafadeed kasoo baxay Somaliland ayaa lagu sheegay inay been tahay sheegashada Soomaaliya ee lahaanshaha Somaliland, oo Somaliland tahay dal madax-bannaan oo aan marna ka mid noqonin maamullada federaalka ee Soomaaliya, sida lagu sheegay war-saxaafadeedkaas.

Somaliland ayaa ku sheegtay war-saxaafadeedka inay been tahay in Somaliland ay u baahan tahay oggolaanshaha Soomaaliya inay heshiisyo gasho, waxayna lagu sheegay war-saxaafadeedka in Somaliland ay horey u gashay heshiisyo caalami ah iyo kuwo laba geesood ahba.