โNolosha malaayiin qof ayaa habeen qura is beddeli karta haddii xukuumadda UK ay Somaliland u aqoonsato dal madax banaanโ sidaa waxaa yiri Sir Gavin Williamson.
Wasiirkaas hore oo xubin ka ah xisbiga muxaafidka wuxuu shalay baarlamaanka hor geeyey sharci uu dalkiisa ku aqoonsanayo Somaliland, ayadoo ujeeddadu tahay in loollan lagala hor tago mowqifka diblomaasiyadeed ee aan isbeddelka lahayn ee tobanaan sano hor taagnaa Somalland.
Isagoo la hadlayey wakaaladda wararka PA ayuu Williamson ku dhaliilay xukuumadda UK qaabka ay u wajahdo Soomaaliya iyo Somaliland.
โMarkii aan ahaa xoghaya gaashaandhigga waxaan safar ku tegey Soomaaliya anigoo gaaray Muqdisho, waxaanan sidoo kale fursad u helay in aan booqdo Hargaysa, Somaliland. Waxaan arkay waxa xad ee ay labadu ku kala duwan yihiinโ ayuu yiri Williamson.
Waa uu sii watay hadalkiisa โwaxaad aragtay fowdada iyo amni darrada ka taagan Soomaaliya, misna marka aad tagto Somaliland waxaad arkaysaa dal aad u safri karto, oo ka soo duuli karto, oo aad tagsi u raaci karto bartamaha magaalada, oo aad ku dhex lugayn karto, oo aad dadka la hadli karto. Waxay ahayd mid sahlan, waana mid caadi ahโ ayuu yiri.
โSidaasoo ay tahay waxaan aqoonsannay dal ay fawdo ka taagan tahay, oo aan lahayn sharci, mana aynaan aqoonsan dal ay degenaansho ka jirto oo doorasho ay ka dhacday oo carruurtu ay iskuullada aadaanโ ayuu yiri Gavin Williamson.
Wuxuu sheegay in siyaasadda Britain ee arrimaha dibadda ay xaqiiqda ka fog tahay.
Wuxuu wakaaladda PA u sheegay faaโiidada aqoonsi ay Somaliland hesho ugu jirta Somaliland qudheeda iyo beesha caalamka.
โIntaa yar ee aqoonsiga ah, waxaad habeen qura wax kaga beddeli kartaa heerka nolosha ee 5.7 malyan oo qofโ.
Xildhibaankaas laga soo doorto koofurta Straffordshire wuxuu intaa sii raaciyey in aqoonsiga Somaliland uu muhiim u yahay amniga Britain iyo baayac mushtarka dunida marka laga hadlayo intaraatijiyadda halka ay ku taallo Somaliland ee gacanka Cadmeed.
Sababta ilaa hadda Somaliland aan loo aqoonsan ayuu farta ku fiiqay inay tahay โfadhiidnimo ka dhex jirta diblomaasiyaddaโ.
Aragtidaas โfadhiidnimadaโ waxaa isna qaba Cabdinaasir Axmed Aadan oo ah cilmi baare falanqeeya arrimaha Somaliland. Cabdinaasir wuxuu BBC u sheegay in ay talaabo weyn uga dhigan tahay galaangalka Williamson u ictiraafka ugu raadinayo Somaliland.
โwaxay ka dhigan tahay in Ingiriisku qaaday talaabo hogaamineed oo uu ku taageerayo qaddiyadda Somaliland o ah qaddiyad ku dhisan sharciyad, siyaasad iyo taariikh, uuna Ingiriisku ka gaabiyeyโ ayuu yiri.
Wuxuu tusaale u soo qaatay mowqifkii u Ingiriisku ka qaatay markii ay kala goโayeen Bangladesh iyo Pakistan, isagoo ula jeeda in aysan muhiim ahayn in Soomaaliya wax laga weydiiyo gooni isu taagga Somaliland.
Inkastoo dhowr iyo soddonkii sano ee Somaliland ay raadinaysay aqoonsiga aysan wax ictiraaf ah helin, misna ololaha Gavin Williamson wuxuu yididiillo galinayaa rajada aqoonsiga
