Bisha Luuliyo waa bisha ay ku faani karaan dadka baahiyaha gaarka ah qaba, oo waxaa la aqoonsaday in la maamuuso dadka baahiyaha gaarka ah qaba.
32-dii sano ee la soo dhaafay, Luuliyo waxay u ahayd bil muhiim u ah bulshada naafada ah ee Mareykanka tan iyo markii la ansixiyay Sharciga Naafada ee Maraykanka 26-kii bishii Luulyo, ee 1990-kii.
Sannadkaas, Boston waxay noqotay magaaladii ugu horreysay ee u dabaaldaggta bishan. Wixii markaas ka dambeeyay, magaalooyin badan oo ku yaalla Mareykanka ayaa laga xusayay.
2015, Duqa New York Bill de Blasio wuxuu si rasmi ah ugu dhawaaqay in Bisha Juulay ay tahay bisha Naafada ee Magaalada New York. Talaabadaas uu qaaday ayaa taageeray caalamka.
Waqtigaan, dunidu waxay xasuusataa Helen Keeler, oo loo tixgeliyo mid ka mid ah dadkii ugu caansan qarnigii labaatanaad.
Waa haweenaydii indha la’aanta iyo dhega la’aanta ahayd ee ay madaxweynayaasha Maraykanku dhegaysanayeen oo in ka badan 60 sano la talineysay.
Waa tuma Helen Keeler?
Helen Adams Keeler waxa ay dhalatay June 27, 1880, waxayna ku dhalatay magaalada Tuscumbia, ee gobolka Alabama, Mareykanka, waxayna 1-dii June sannadkii 1968-dii ku dhimatay magaalada Westport, ee gobolka Connecticut, ee dalka Maraykanka.
Helen Keeler horaantii qarnigii labaatanaad waxay ahayd mid ka mid ah haweenka ugu caansan adduunka.
Waxay ahayd qoraa, filim nolosheeda ku saabsan ayaa laba jeer ku guuleystay billada Oscar-ka.
Madaxweynayaashii Mareykanka ee xilligaasi ayaa dhegeysan jiray talooyinkeeda in ka badan 60 sano.
Markii ay jirtay 19 bilood, Keeler waa ay xanuunsatay waxayna weysay maqalkeedii iyo arageediiba. Waxay noqotay qoraa, wariye, iyo safiir iyadoo aragga iyo maqalkuba naafa ka. Waxa ay baratay sida wax loo akhriyo, in kasta oo aanay waligeed hadal maqal waxbana arag taas oo dadka mucjiso ku noqotay.
Xanuunkii ku dhacay Keeler wuxuu ka dhigay Dhego iyo indho la’aan yaraanteedii ka hor inta aysan fahmin erayada, laakiin waxaa mahad leh macalimadeedii hormuudka ka ahayd guusheeda ee Anne Sullivan.
Keeler kaliya ma aysan baran akhriska iyo wax qorista, laakiin waxay sii wadday inay wax barato ilaa ay ka qalin jabisay kulliyad.
Waxay dhiirigelin u ahayd adduun aysan arag sida uu u egyahay
Buugaagtii ay qortay ayaa wax weyn ka baddalay nolosha dadka naafada ah ee ku nool dunida daafaheeda.
Waxa ay wax ku soo kordhisey wargeysyada, khudbado taariikhi ah ayay jeediysay, waxa ayna ku soo wareegtay adduunka oo dhan iyaga oo ka hadlaysay xuquuqda haweenka iyo tamarta atomikada.
Waxa ay ahayd safiirkii Maraykanka ee Japan sannadkii 1948-kii, waxaana ay la kulantay shakhsiyaad caan ah sida qoraaga Mark Twain Alexander Graham Bell, oo ah ninii alifay taleefanka, iyo Winston Churchill.
Qoritaanka Keeler iyo firfircoonideeda ayaa si weyn uga qayb qaatay kor u qaadista wacyiga naafada adduunka oo dhan. Xilli ay caadi tahay xuquuq la’aanta iyo si xun ula dhaqma dadka naafada ah, sida ay nolosheeda u soo martay ayaa caawisay dadka naafada ah ee adduunka ku nool.
Sannadkii 1964-tii, madaxweyne Lyndon Johnson wuxuu Keeler siiyay billadda madax-bannaanida ee xorriyadda iyada oo tusaale u ah geesinimada iyo go’aan qaadashada dadka.
Keeler waxay noqday calaamad caalami ah oo carruurta ku daydaan si ay uga gudbaan caqabad kasta.
Gudaha Aqalka Capitol ee Mareykanka waxaa ku yaal taallo laga matalay Keeler oo 7 jir ah oo kor taagan tubada biyaha halkaas oo ay ku baratay eraygeedii ugu horreeyay ee ahaa “biyo”
