Madaxweynaha Somaliland Muuse Biixi Cabdi ayaa caawa hotelka uu ka degan yahay magaalada Nairobi kula kulmay Ra’iisal wasaarihii hore ee Kenya, ahna Ergayga gaarka ah ee Midowga Afrika u qaabilsan Horumarinta Kaabayaasha Dhaqaalaha, Mudane Raila Odinga.
Booqashadan oo aheyd mid salaan ah ayaa Maaxweyne Muuse Biixi waxaa uu Raila Odinga faahfaahin ka siiyey xaalada guud ee Somaliland.Waxaa kulankan goob joog ka ahaa Wasiiro iyo masuuliyiin kale oo ka tirsan wafdiga uu horkacayo Madaxweyne Biixi ee booqashada ku jooga Kenya.
Madaxweynaha Somaliland Muuse Biixi Cabdi oo shalay booqasho rasmi ah ku tagay magaalada Nairobi, ayaa Madaxtooyada dalkaasi kula kulmay Madaxweynaha Kenya Uhuru Kenyatta.
