Wasiirka Wasaaradda Gaadiidka iyo horumarinta Jidadka Cabdirisaaq Ibraahim Maxamed (Ataash), ayaa maalinta khamiista ah ku dhawaaqaya Urur-siyaasaddeed cusub oo lagu magacaabo Waaberi.
Wasiir Cabdirisaaq Ibraahim Maxamed oo maalmihii u dambeeyey kulamo is daba joog ah la yeelanayey Aqoonyahannada, siyaasiyiinta, Waxgarad iyo qaybaha kala duwan ee bulshada ah, oo uu kala tashanayey damaciisa Urur-siyaasaddeed, ayaa waxa uu ka dib kulamadan si rasmi ah u shaacin doonaa Urur-siyaasaddeedkan Waaberi, maalinta khamiista ee 31-bishan March.
U diyaargarowga xafladda shaacinta Urur-siyaasaddeedka Waaberi, ayaa si weyn looga dareemayaa Magaalada Hargeysa, iyada oo ku dhawaaqista Ururkan ay ka qayb geli doonaan dadweyne kala duwan oo ka kala iminaya gobollada dalka.
