Ciidamada milatariga dalka Sudan ayaa lagu daad gureeyey xaruntooda magaalada Khartoum, ayada oo kumanaan dibad-baxayaal ah ay ku boorinayaan inay ku biiraan baaqyada ku saabsan in madaxweyne Cumar Xasan Al-Bashiir u is-casilo.
Dibad-baxaaysha ayaa waddooyinka magaalada soo buuxiyey maalintii saddexaad oo xiriir ah, ayaga oo iska indha tiraya sunta dadka ka ilmaysiisa oo lagu kala eryayo.
Dibad-baxayaasha ayaa tan iyo sabtidii deganaa hareeraha xarunta ciidamada milatariga, oo sidoo kale ay ku yaalaan guriga Al-Bashir iyo xarunta wasaaradda gaashaandhigga.
Goobjoogeyaal ayaa sheegay in ciidamada ay dhufeysyo ka sameysanayaan waddooyinka ku dhow xarunta kadib markii shaqaalaha hay’adda sirdoonka ee NISS iyo booliska ay ku guul-darreysteen inay kala eryaan.
Dhowr baabuur oo sida xubno ka tirsan sirdoonka iyo booliska rabshadaha ka hor-taga ayaa goor hore oo saaka ah tagay xarunta.
Waxaaa la maqlayey rasaas dhaceysa hase yeeshee ma cadda cidda rideysay.
Abaabulayaasha dibad-baxa ayaa ugu baaaqay dadka degan Khartoum iyo hareeraheeda inay kusoo biiraan mudaaharaadka.
